काठमाडौं – राष्ट्रिय स्वतन्त्र पाटीं (रास्वपा)का सभापति रवि लामिछानेलाई पक्राउ गर्न प्रहरी घरमै पुगेको छ । उच्च अदालत तुलसीपुरले थुनामा पठाउने आदेश दिएसँगै उनलाई पक्राउ गर्न प्रहरी घरमै पुगेको हो ।

रास्वपा स्रोतका अनुसार केही साधा पोशाकमा र केही ड्युटीमै खटिएका प्रहरीहरू अहिले उनको घर पुगेका छन्।

उच्च अदालत तुलसीपुरको बुटवल इजलासका न्यायाधीश रमेश ढकाल र स्वीकृति पराजुलीको इजलासले रविलाई थुनामा पठाउने आदेश गरेको हो ।

यता रवि लामिछानेले सामाजिक सञ्जाल मार्फत एक स्टाटस लेख्दै आफूले आजै गिरफ्तारी दिने बताउँदै भोलिका लागि तय भएको चितवनको भेला नरोक्न नेताहरुलाई निेर्दशन दिएका छन् ।

उनले सामाजिक सञ्जालमा लेखेका छन्, ‘ सम्मानित अदालतको आदेशको सम्मान गर्दै म आफै आजै अहिले नै गिरफ्तारी दिदैछु। साथै न्यायलयका अन्य ढोकाहरु मेरा लागि खुल्ला होलान् नै । न्यायका लागि दुनियाँका सबै ढोका ढकढकाउछु । म माथि ठुलो अन्याय भएको छ । चितवनको सभा नरोक्नुस्।’