काठमाडौं – पाकिस्तानमा धार्मिक दान दातव्यमा ठूलो भ्रष्टाचार हुने गरेको खुलेको छ । इस्लाम धर्ममा जकात भनिने यस्तो दान दातव्यमा घोटाला गर्न सरकारी अधिकारीकै मिलेमतो हुने गरेको पाकिस्तानी सञ्चार माध्यमले जनाएका छन् ।

पाकिस्तानबाट प्रकाशित हुने द नेसन अखबारका अनुसार सरकारी अधिकारीहरुले स्थानीय जकात समितिमार्फत् दशौँ लाख पाकिस्तानी रुपैयाँको घोटाला हुने गरेको छ । पाकिस्तानमा बेलाबेला ठूलो स्तरका भ्रष्टाचार र आर्थिक अनियमितताका घटना सार्वजनिक हुने गरेको छ ।

इस्लाम धर्ममा जकातलाई आर्थिक सहायतामात्रै नभएर धार्मिक कर्तव्य पनि मानिन्छ । यस्तो पवित्र कार्यमा समेत भ्रष्टाचार गर्नेमाथि हदैसम्मको कारवाही गर्न नागरिक समाजका अगुवाहरुले माग गरेका छन् ।