कोलोराडो – अमेरिकाको कोलोराडोमा भएको आक्रमणका शङ्कास्पद व्यक्तिलाई १६ वटा मुद्दा लगाइएको छ। घटना भएको काउन्टीका अभियोजक माइकल डोभर्टीका अनुसार यो आरोप पुष्टि भएमा ३८४ वर्ष जेल सजाय हुनेछ। उनले आगो बल्ने पदार्थ फ्याकेका थिए। उनले यहुदीहरूलाई नै निसाना बनाएर आक्रमण गरेका हुन्। उनलाई घृणा सम्बन्धी मुद्दा पनि चलाइएको छ।

‘ फ्रि ’ प्यालेस्टाइन भन्दै चिच्याएर आगो लगाउने प्रयास गरेका उनलाई आगोजन्य पदार्थको प्रयोग सम्बन्धी मुद्दा दर्ता गरिएको छ।

इजिप्टमा जन्मिएका आरोपी मोहम्मद साब्री सुलेमानले अमेरिका जानु अघि १७ वर्ष कुवेतमा बिताएका थिए। सुरुमा उनी सन् २००५ मा अमेरिका जाने प्रयास गरेका थिए। उनको प्रयास सफल भएको थिएन।

सन् २०२२ को अगस्टमा उनी अमेरिका पुगेका थिए। सन् २०२३ मा उनले त्यहीँ काम गर्ने अधिकारसहित भिसा थपिएको थियो। उनको गएको मार्चदेखि त्यहाँ बस्ने अधिकार सकिएको थियो।

उनको आक्रमणमा १२ जना घाइते भएका थिए। उनले यसका लागि एक वर्षदेखि योजना बनाएको समेत बताए। उनले सम्पूर्ण यहुदीहरूलाई मार्न खोजेको आरोप लगाए। उनले युट्युबमा भिडियो हेरेर आगो लगाउने यस्ता उपकरण बनाउन सिकेका थिए।