काठमाडौं– भारत र अमेरिकाबीच व्यापार वार्ता सकारात्मक दिशामा अघि बढिरहेको अमेरिकी अर्थमन्त्री स्कट बेसेन्टले बताएका छन् । पत्रकार सम्मेलनमा बोल्दै अर्थमन्त्री बेसेन्टले दुई मुलुकबीचको व्यापार वार्ता सकारात्मक दिशामा अघि बढिरहेको जानकारी दिएका हुन् ।
हालै उपराष्ट्रपति जेडी भान्सले भारतको भ्रमण गरेको उल्लेख गर्दै बेसेन्टले भ्रमणका क्रममा भारतीय प्रधानमन्त्री नरेन्द्र मोदीसँग व्यापार वार्ताबारे छलफल भएको बताए । उनले यसबारे चाँडै केही घोषणा हुने अपेक्षा गरिएको समेत उनले जानकारी दिए ।
अमेरिकी राष्ट्रपति डोनाल्ड ट्रम्पले भारतसँग चाँडै व्यापारिक सम्झौता चाहेको बताइएको छ । सोही क्रममा दुई मुलुकबीच विभिन्न चरणमा वार्ता भइरहेको छ ।
प्रतिक्रिया