काठमाडौं- प्रमुख प्रशासकीय अधिकृत सरोज गुरागाईंलाई लिएर वडाध्यक्ष र कर्मचारीसँग घम्साघम्सी गरेका नगर प्रहरी कार्यालयबाट बाहिरिएका छन् ।

अहिले काठमाडौं महानगरपालिकाको कार्यालय भवनबाट पाण्डेसहितका सबै नगरप्रहरी बाहिर निस्किएका हुन् ।

उपमेयर सुनिता डंगोल नेतृत्वमा कार्यपालिका बैठक बसिरहेका बेला नगरप्रहरीको टोली कार्यालयबाट बाहिरिएको हो ।

‘उहाँहरूले निर्णय गरिसकेपछि बोलौँला । प्रशासकीय अधिकृतको कार्यकक्षको ताला खोल्न भनिएको थियो। तर मेयरको आदेश नआएसम्म खोल्ने कुरा भएन’, उनले भने, ‘यस विषयमा अहिले म केही पनि प्रतिक्रिया दिन्न ।’

उनले यति भनिसकेपछि सबै नगरप्रहरी निस्किएर हिँडेका हुन् । सुरूमा पाण्डेसहितका नगरप्रहरी गुरागाईंलाई रोक्न कार्यालयको गेटमा तैनाथ भएका थिए ।