काठमाडौँ– भारतीय वायुसेना संसारकै चौथो शक्तिशाली रहेको एक रिपोर्टले देखाएको छ । रक्षासम्बन्धी प्रतिष्ठित वेबसाइट ग्लोबल फायरपावर डट कमले हालै सार्वजनिक गरेको रिपोर्टमा भारतीय वायुसेना संसारकै चौथो रहेको उल्लेख छ ।

उक्त वेबसाइटले विश्वभरिका वायुसेनाको मूल्यांकनका आधारमा उक्त रिपोर्ट सार्वजनिक गरेको हो । वायुसेनासँग रहेका लडाकु विमान, हेलिकोप्टर, अन्य सहयोगी विमानसहित कुल विमान सङ्ख्याका आधारमा उक्त रिपोर्ट निकालेको हो ।

ग्लोबल फायरपावरको रिपोर्टमा अमेरिका विश्वकै सबैभन्दा शक्तिशाली वायुसेनाको रूपमा अग्रस्थानमा छ भने रुस र चीन क्रमशः दोस्रो र तेस्रो स्थानमा छन् ।

हाल भारतसँग २ हजार २ सय ९६ वटा विमान रहेको जनाइएको छ । भारतपछि दक्षिण कोरिया र जापान क्रमशः पाँचौँ र छैटौँ स्थानमा छन् । पाकिस्तान भने सूचीको सातौँ स्थानमा रहेको छ ।