काठमाडौं- भारत र ब्राजिलले आर्थिक र वातावरणीय सहकार्य मजबुत बनाउन दृढता व्यक्त गरेका छन् । वार्ताको टेबलमा ग्लोबल साउथको भाष्य मजबुत बनाउन एवम् ब्रिक्सकलाई थप सुदृढ गर्नका लागि दुई मुलुक सहकार्यलाई अघि बढाउन तयार भएका हुन् ।
हाल दुबै मुलुक अमेरिकासँग व्यापारिक तनावको अवस्थामा छन् । हालै ब्राजिलका उपराष्ट्रपति जेराल्डो एल्कमिनले भारतको भ्रमण गरेका थिए । उनको भ्रमणका क्रममा अमेरिकाले घोषणा गरेको भन्सार महशुल वृद्धिबाट उत्पन्न असरलाई न्यून बनाउने तथा ऊर्जा सुरक्षादेखि विश्वव्यापी जलवायु नीतिमा प्रभाव विस्तार गर्न केन्द्रित रहेको साउथ चाइना मर्निङ पोस्टले जनाएको छ ।
उपराष्ट्रपतिको भ्रमणका क्रममा सन् २०३० सम्म द्विपक्षीय व्यापारलाई २० अर्ब अमेरिकी डलर बराबर पु¥याउन पनि दुबै मुलुक सहमत भएका छन् । अघिल्लो वर्ष ब्राजिल र भारतबीचको द्विपक्षीय व्यापार १३ अर्ब अमेरिकी डलर रहेको थियो ।