काठमाडौं– नेपाल राष्ट्र बैंकले आइतबार ४० अर्ब निक्षेप सङ्कलन गर्ने भएको छ । एक सूचना प्रकाशन गर्दै राष्ट्र बैंक उक्त रकम १७५ दिनको लागि सङ्कलन गर्ने भएको हो ।

अनलाइन बिडिङ सिस्टम सफ्टवेयरमार्फत सङ्कलन गरिने उक्त निक्षेपमा दिउँसो २ बजेसम्म बोलकबोल हुने सूचनामा उल्लेख छ । बोलकबोलबाटै ब्याजदर निर्धारण हुने र आगामी वैशाख १३ गते सावाँ तथा ब्याज भुक्तानी हुने जनाइएको छ ।

सूचनाअनुसार बोल कबोलमा क, ख र ग वर्गका बैंक सहभागी हुन सक्नेछन् भने बोलकबोल गर्दा कम्तीमा १० करोड बढीमा ५ करोड रुपैयाँले भाग गर्दा निःशेष भाग जाने अंकमा गर्न पाइने छ ।

पछिल्लो समयमा बैंकिङ क्षेत्रमा निक्षेप सङ्कलन बढ्दै जाने र कर्जाको मागमा कमी आउँदा राष्ट्र बैंकले निरन्तर निक्षेप खिच्ने काम गरिरहेको छ ।