काठमाडौं– एएफसी महिला एसियन कप छनोट प्रतियोगिता अन्तर्गत आफ्नो दोस्रो खेलमा नेपालले बुधबार श्रीलङ्कासँग खेलिरहेको छ । खेलको दोस्रो हाफ चलिरहँदा नेपालले ६-० को फराकिलो अग्रता बनाएको छ । पछिल्लो पटक खेलको ६२ औँ मिनेटमा निशा थोकरले गोल गर्दै अग्रता ६-० मा पुर‍्‍याएकी हुन् ।

उज्वेकिस्तानको राजधानी तास्केन्दको मिली रङ्गशालामा नेपाली समयअनुसार साँझ सवा ६ बजे सुरू भएको खेलको पहिलो हाफमै सावित्रा भण्डारी साम्बाले ह्याट्रिक पूरा गरिन् ।

नेपालका लागि अग्रता भने खेलको सातौँ मिनेटमा गीता रानाले दिलाइन् । समूह ‘एफ’ मा रहेको नेपालका लागि खेलको २०, ४२ र ४४ औँ मिनेटमा गोल गर्दै साम्बाले ह्याट्रिक पूरा गरिन् । ६० औं खेलमा साम्बाको त्यो ६४ औं गोल हो।

पहिलो हाफमा कप्तान सावित्रा भण्डारी (साम्बा) ले ह्याट्रिक पूरा गर्दा गिता रानाले १ गोल गरेको अवस्थामा दोस्रो हाफमा नेपालले फेरि गोल थप्यो नेपालका लागि गीताले खलेको ५४ औँ मिनेटमा पेनाल्टीबाट गोल गरिन् ।

नेपालले पहिलो खेलमा लाओसलाई ९-० ले हराएको थियो। श्रीलंका पहिलो खेलमा घरेलु टोली उज्वेकिस्तानसँग १०-० को हार भोगेको थियो।

श्रीलंकाविरूद्ध नेपाल अहिलेसम्मका ८ खेलमा नेपाल अपराजित छ । फिफा वरियतामा नेपाल श्रीलंका भन्दा ५९ स्थान माथि छ। नेपाल एक सय र श्रीलंका १ सय ५९ औं स्थानमा छ।

पहिलो खेलमा लाओसलाई ९–० गोलले हराएको थियो भने श्रीलङ्का उज्वेकिस्तानसँग १०–० गोलले पराजित भएको थियो ।

राउन्ड रोविन पद्धतिमा सञ्चालित प्रतियोगितामा समूहको शीर्षस्थानमा पुग्ने टोली अर्को वर्ष अष्ट्रेलियामा हुने एसियन कपमा सहभागी हुनेछ ।

नेपालले तेस्रो खेल शनिबार उज्वेकिस्तानसँग खेल्ने छ । एएफसी महिला एसियन कप छनोट अन्तर्गत श्रीलंका विरुद्धको पहिलो हाफमा नेपालले ४-० को अग्रता बनाएको छ।