काठमाडौं – भारतको मुम्बईमा विश्व अडियो भिडियो र मनोरञ्जन शिखर सम्मेलन (वेभ्स२०२५) शिखर सम्मेलन सम्पन्न भएको छ । वैशाख १८ देखि २१ गतेसम्म भारत सरकारको आयोजनामा सम्मेलन सम्पन्न भएको हो ।

सम्मेलनमा नेपालका तर्फबाट मिडिया, चलचित्र, सोसल मिडिया इन्फ्लुयन्सर्स र एनिमेसन उद्योगका गरी १९ जना वरिष्ठ प्रतिनिधिहरूले सहभागिता जनाएका थिए ।

चार दिनसम्म चलेको शिखर सम्मेलनमा सहभागीहरुले विश्वव्यापी सीईओहरूसँग संलग्न भएर मिडिया र मनोरञ्जनमा भारतले गरेको प्रगति देखेको भारत सरकारले सामाजिक सञ्जाल एक्समा उल्लेख गरेको छ ।

कार्यक्रमले फिल्म, सामग्री निर्माण, एनिमेसन र डिजिटल मिडियामा नेपाल भारत सहकार्यको लागि बाटो खोलेको बताइएको छ ।

नेपालबाट सहभागी भएका प्रतिनिधीहरुले सामाजिक सञ्जालमा वेभ्सबाट आफ्ना अनुभवहरु प्रस्तुत गरेको सार्वजनिक एक्स पोष्टमा उल्लेख गरिएको छ ।