काठमाडौं – दक्षिण चीन सागरमा फिलिपिनी तटरक्षकलाई दुःख दिन चीनले श्रव्य हतियारको प्रयोग गरेको फिलिपिन्सले आरोप लगाएको छ ।

लामो दुरीसम्म उच्च डेसिबलमा आवाज निकाल्ने उक्त श्रव्य हतियारले सुन्ने शक्तिमा हानी पु¥याउने फिलिपिन्सको आरोप छ ।

फिलिपिन्सको तटरक्षक बलका प्रवक्ता कोमोडोर जे टारिएलाले फिलिपिनी तटरक्षकमाथि दुव्र्यवहार गर्ने अभिप्रायले चीनले श्रव्य हतियार प्रयोग गरेको आरोप लगाएका हुन् ।

बीआरपी काब्रा नामक फिलिपिनी युद्धपोतलाई नजिकै आउन नदिनका लागि चिनियाँ युद्धपोतले यस्तो हतियार प्रहार गरेको उनको आरोप छ ।

चिनियाँ युद्धपोतबाट दुव्र्यवहारको सामना गरेपनि बीआरपी काब्राले पश्चिम फिलिपिनी सागरमा आफ्नो अभियानलाई निरन्तरता दिइरहेको फिलिपिनी तटरक्षक बलको भनाइ छ । फिलिपिन्सले दक्षिण चीन सागरलाई पश्चिमी फिलिपिनी सागर भन्ने गरेको छ ।

दक्षिण चीन सागर र फिलिपिन्सबीच निकै लामो समयदेखि सार्वभौमिकताको विवाद रहँदै आएको छ । यी दुई मुलुकबीच पछिल्ला केही महिनायता उक्त समुद्री क्षेत्रमा बारम्बार तनाव उत्पन्न हुँदै आएको छ ।