काठमाडौं – चीनमा विकास भएको डिपसिक एआई मोडलमा सेन्सरसिप हुने गरेको भन्दै आलोचना शुरु भएको छ । डिपसिकले ताइवान, उइग्युर, तिब्बतजस्ता विषयमा सेन्सरसिप गर्दै आएको छ ।

चीनको सिन्जियाङ प्रान्तमा बसोबास गर्ने उइग्युर समुदायको हकहितका लागि काम गर्दै आएको क्याम्पेन फर उइग्युुर नामक संस्थाले डिपसिकमार्फत् प्रयोगकर्ताको डेटामा अनधिकृत पहुँच पु¥याउने भन्दै चिन्ता प्रकट गरेको छ ।

त्यसबाहेक यसले चिनियाँ कम्युनिट पार्टीको प्रचार गर्ने सम्भावना पनि उत्तिकै रहेको उक्त संस्थाले जनाएको छ ।

क्याम्पेन फर उइग्युरले डिपसिकले प्रयोगकर्ताको आईपी ठेगाना र अन्य डिजिटल सूचनामा पहुँच पु¥याएर चीनमा भण्डारण गर्ने भएकाले कम्युनिष्ट पार्टीले उक्त डेटाको दुरुपयोग गर्नसक्ने चिन्ता जाहेर गरेको छ ।

उक्त संस्थाकी कार्यकारी निर्देशक रुशन अब्बासले लामो समयदेखि चीन सरकार मानव अधिकार उल्लंघनका घटनामा संलग्न रहेको भन्दै आफ्नो समुदायका यस विषय निकै संवेदनशील रहेको उल्लेख गरेकी छिन् ।