काठमाडौं – आज २०८१ साल पुस १८ गते बिहीबार तदनुसार सन् २०२५ जनवरी २ तारिख। पुस शुक्ल पक्षको तृतीया तिथि। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। खबरहबका लागि ज्योतिष पण्डित सूर्यनाथ लुइटेलले तयार पार्नुभएको आजको फलादेशः

मेष : मानसिक चिन्ता र असन्तुष्टि बढ्नेछ। व्यवसायमा साझेदारी गरेमा फाइदा हुनेछ। राज्यका तर्फबाट अवरोध हुने जोखिम छ। धार्मिक कार्यमा सहभागी भएमा मन शान्त बन्नेछ।

वृष : स्वास्थ्यको ख्याल गर्नुपर्ने छ। चिसोबाट बच्नुपर्नेछ। विदेशी लगानीमा घाटा हुने भएकाले लगानी गर्नु अगाडि सचेत बन्नुपर्नेछ। परिवारसँगको सम्बन्ध सहज बन्नेछ। प्रेम सम्बन्ध सुमधुर बन्ने योग छ।

मिथुन : दक्षिणको लामो यात्रा नगर्नु राम्रो हुनेछ। लगानी गर्नुपर्ने भए सहकार्य गरेमा फाइदा हुनेछ। स्वास्थ्यमा सुधार हुनेछ। वैदेशिक क्षेत्रको लगानीबाट फाइदा हुनेछ। शिक्षामा प्रगति हुने योग छ।

कर्कट : शुभग्रहको बहुमत भएकाले दिन सहज बन्नेछ। दाजुभाइले साथ दिनेछन्। व्यापारमा लगानी गरेको भए फाइदा हुनेछ। कपडाको व्यापारमा राम्रो आम्दानी हुनेछ। राज्यको निगरानीमा भएकाले काम गर्दा सचेत बन्नुपर्नेछ।

सिंह : दिन सामान्य छ। अप्रिय समाचारले मन अशान्त बन्नसक्छ। स्वास्थ्यले साथ दिनेछ। परिवारको साथ र सहयोग प्राप्त हुनेछ। प्रेम सम्बन्ध सुमधुर बन्ने योग छ। लगानी गर्ने भए शिक्षाको क्षेत्रमा प्रगति हुनेछ।

कन्या : दिन राम्रो छ। मनमा उत्साह बढ्नेछ। प्रेम सम्बन्ध सुमधुर बन्नेछ। शिक्षाको लगानीबाट फाइदा हुनेछ। खानपानमा ख्याल नगर्दा रोगले सताउने जोखिम छ। परिवारसँग रमाइलो घुमघाम हुनेछ।

तुला : दाजुभाइसँगको सहकार्यले मन खुशी हुनेछ। पेट सम्बन्धी समस्या हुने भएकाले खानपानमा सचेत बन्नु आवश्यक देखिन्छ। गला र कलाको प्रदर्शनले नाम र दाम मिल्नेछ। परिवारमा मेलमिलाप बढ्नेछ।

वृश्चिक : दिन सामान्य राम्रो छ। सञ्चित धन खर्च हुँदा मन खिन्न बन्नेछ। सहकर्मीले साथ दिनेछन्। परिवारको साथ र सहयोग मिल्नेछ। साथीको सहयोगमा महत्त्वपूर्ण काम बन्ने योग रहेको छ।

धनु : बोली र व्यवहारमा एकरुपता नहुँदा समस्या हुनसक्छ। स्वास्थ्य लाभ हुनेछ। आर्थिक अवस्थामा सुधार हुनेछ। प्रेम सम्बन्ध सुमधुर बन्नेछ। शिक्षामा लगानी गरेको भए फाइदा हुनेछ।

मकर : सञ्चित धन खर्च हुँदा मन अशान्त बन्नेछ। स्वास्थ्यमा सुधार हुनेछ। शिक्षामा गरेको प्रयास सफल बन्न ढिला हुनेछ। धैर्य भएर अगाडि बढ्नुपर्ने दिन छ। परिवारलाई मात्र विश्वास नगर्नु उपयुक्त देखिन्छ।

कुम्भ : दिन सामान्य छ। हरेक क्षेत्रमा बाधा सिर्जना हुनेछ। मानसिक रुपमा खटपटी बढ्नेछ। मध्य साढेसाती भएकाले बिहान उठेर शिवको भजन गर्न सकेमा दैनिकी सहज बन्नेछ।

मीन : सुरुवाती साढेसाती दशा चलिरहेको छ। मन उदास बन्नसक्छ। शिक्षा र स्वास्थ्यमा गरेको लगानीबाट फाइदा हुनेछ। दिनको सुरुवात दान वा पिपलको दर्शनबाट गर्न सकेमा दैनिकी सहज बन्नेछ।