अमेरिका – अमेरिकाको मेरिल्याण्ड राज्यमा गौरा पर्व मनाइएको छ । मेरिल्याण्डस्थित हिन्दुबुद्ध मन्दिरमा गौरा पर्व मनाइएको हो ।

सुदूरपश्चिम नेपाली समाज मेरिल्याण्डले गौरा पर्व मनाएको हो । कार्यक्रममा गौरापुजन, गौरा नाच, पन्चे बाजा, फल फट्काउनेलगायत विभिन्न सांस्कृतिक प्रस्तुति गरिएको थियो ।

सुदूरपश्चिम नेपाली समाजका कार्यवाहक अध्यक्ष हरिष साउदको अध्यक्षतामा सम्पन्न कार्यक्रममा नेपाली राजदूतावस डिसीका आर्थिक सल्लाहकार युगराज पाण्डेय प्रमुख अतिथी तथा मेरिल्याण्ड राज्यका सिनेटर कार्ल ज्याकसन विशिष्ट अतिथिका रुपमा उपस्थित थिए । कार्यक्रममा नेपाली समुदायको बाक्लो उपस्थिति थियो ।

नेपाली समुदायलाई सांस्कृतिक तथा समाजिक रुपमा एकीकृत गर्न मेरिल्याण्ड राज्यमा सुदूरपश्चिम नेपाली समाजले चार वर्षदेखि लगातार कार्यक्रम गर्दै आएको गौरा व्यवस्थापन समितिका मिडिया संयोजक रमेश भट्टराईले जानकारी दिए ।