काठमाडौं- प्रमुख प्रतिपक्षी नेकपा माओवादी केन्द्रको स्थायी समिति बैठक शुक्रबार पेरिसडाँडामा सुरू भएको छ।

यो बैठकमा संगठन निर्माण, कार्यविभाजन, आन्तरिक एकता सुदृढीकरणलगायत एजेन्डामा छलफल हुने उपाध्यक्ष एवम् प्रवक्ता अग्नि सापकोटाले बताए ।

बैठकको सुरूमा अध्यक्ष पुष्पकलम दाहाल प्रचण्डले वर्तमान परिस्थितिबारे ब्रिफिङ गर्ने तयारी छ ।

त्यसपछि पोखरामा अड्किएको मध्यपहाडी लोकमार्ग अभियानलाई निरन्तरता दिने निर्णय हुनेछ । त्यसैगरि केन्द्रीय समिति बैठकको मिति तय गर्नेलगायत एजेन्डामा छलफल हुने सापकोटाले बताए ।

बैठकमा समाजवादी मोर्चालाई सक्रिय बनाएर त्यसलई विस्तार गर्ने विषयमा पनि छलफल हुने बताइएको छ ।

पार्टीमा उपमहासचिव जनार्दन शर्माले चलाइरहेको अन्तर्संघर्षको विषयमा पनि कुरा हुनेछ ।

अध्यक्ष प्रचण्ड र उपमहासचिव शर्माबीचको अन्तर्संघर्ष सार्वजनिक रूपमै छताछुल्ल भइसकेको छ । अन्तर्संघर्षबारे छलफल गरेर पार्टीको सुदृढ एकताबारे बैठकमा कुरा हुने बताइएको छ।