काठमाडौं – खानेपानी र बिजुलीका आपूर्ति नियमित बनाउन माग गर्दै पाकिस्तानको कराँचीमा प्रदर्शनको आयोजना गरिएको छ । शहरमा जारी खानेपानी र बिजुलीको अभावको विरोधमा कराँचीको युनिभर्सिटी रोडमा प्रदर्शनको आयोजना गरिएको हो ।

पाकिस्तानको एआरवाई न्युजका अनुसार प्रदर्शनका कारण शहरको यातायात प्रणाली अस्तव्यस्त भएको छ । प्रदर्शन मत्थर पार्न प्रहरी र प्रदर्शनकारी नेतृत्वबीचको वार्ता सफल हुन नसकेको जनाइएको छ ।

शहरमा एकातिर अभाव भइरहेका बेला अर्कोतिर चुहावटका कारण ठूलो परिमाणमा खानेपानी खेर गइरहेको प्रदर्शनकारीको भनाइ छ ।

पछिल्ला केही दिनयता कराँचीमा खानेपानीको चरम अभाव देखिएको एआरवाई न्युजले जनाएको छ । शहरको नजिमाबाद, गुल्शन ए इकबाल, पीआईबी कोलोनी, मलिर गुलिस्तान, जोहारजस्ता क्षेत्रमा खानेपानीको अभाव देखिएको जनाइएको छ ।