काठमाडौं– राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले इलाममा पार्टी कमजोर भएका कारण कम मत आएको स्पष्टीकरण दिएका छन् ।
आज सामाजिक सञ्जालमार्फत उनले इलाममा पार्टी संगठन कमजोर हुनुका साथै प्रचारप्रसार प्रभावकारी नहुँदा थोरै भोट आउनु स्वाभाविक भएको उल्लेख गरेका छन् ।
इलाम–२ मा राप्रपा नेपालका उम्मेदवार गणेश बहादुर चौहानले ४३ मत प्राप्त गरेका छन् ।
अध्यक्ष थापाले वर्तमान भ्रष्ट व्यवस्थाप्रति जनतामा वितृष्णा व्याप्त रहेको तथा हिन्दुराष्ट्र र राजाको लोकप्रियता बढिरहेको अवस्थामा राष्ट्रवादी शक्तिहरू एकजुट भएर अघि बढ्नेबारे नयाँ शिराबाट सोच्न सबैमा आह्वान पनि गरेका छन् ।
प्रतिक्रिया