काठमाडौं – अष्ट्रेलियामा रहेका नेपाली र अष्ट्रेलियन नागरिकले विपत्‌ प्रभावित काभ्रेको बेथानचोक गाउँपालिकालाई सहयोग गरेका छन् ।

बेथानचोक घर भएका अष्ट्रेलिया निवासी सुबोध अधिकारीको पहलमा त्यहाँ रहेका नेपाली र अष्ट्रेलियन नागरिक समेतबाट सङ्कलिन तीन हजार १६८ डलर (तीन लाख ९६० रुपैयाँ) बेथानचोक गाउँपालिकालाई सहयोग गरिएको हो ।

मङ्गलबार एक कार्यक्रमबीच स्थानीय पवन अधिकारी र शङ्कर पराजुलीले उक्त रकम गाउँपालिका अध्यक्ष भगवान अधिकारीलाई हस्तान्तरण गरेका हुन्‌ ।

गाउँपालिका अध्यक्ष अधिकारीले सबैको साथ र सहयोगले बेथानचोकलाई पुरानै लयमा फर्काउने प्रतिबद्धता जनाए । हस्तान्तरण कार्यक्रममा वडा नं २ का अध्यक्ष पुरुषोत्तम तिमिल्सना, वडा नं ३ का अध्यक्ष कुवेर ढकाल, वडा नं २ का वडा सदस्य नारायण तिमल्सिना र प्रमुख प्रशासकीय अधिकृत राजेन्द्र भण्डारी लगायत उपस्थित थिए ।