काठमाडौं – भारतसँग मिलेर अघि बढ्न तयार रहेको चीनले जनाएको छ । चिनियाँ विदेश मन्त्रालयले दुई मुलुकबीचको सम्बन्धमा सुधार ल्याउन दुई मुलुकका नेताबीच समान धारणा निर्माणका लागि भारतसँग सहकार्य गर्न तयार रहेको जनाएको छ ।

चीनले दुबै मुलुकले एक अर्काको हितको सम्मान गर्नुपर्ने उल्लेख गरेको छ । दुई मुलुकबीच सम्बन्ध सुधार गर्नका लागि वार्ता र कूटनीतिका माध्यमबाट आपसी विश्वास सुदृढ गर्नुपर्ने उल्लेख गरेको छ ।

केही महिनाअघि रुसको कजानमा सम्पन्न ब्रिक्स सम्मेलनमा चिनियाँ राष्ट्रपति सी जिन्पिङ र भारतीय प्रधानमन्त्री नरेन्द्र मोदीबीच भेटवार्ता भएसँगै दुई मुलुकबीचको सम्बन्धमा केही सुधार आएको विश्लेषण गरिएको छ ।

सन् २०२० मा सीमा क्षेत्रमा दुई मुलुकका सुरक्षाकर्मीबीच झडप भएपछि सम्बन्ध खराब भएको थियो ।