काठमाडौं – पाकिस्तान अधिनस्थ गिल्गिट बाल्टिस्तानमा भौतिक पूर्वाधारका संरचना बेवारिसे बन्न थालेका छन् ।

गिल्गिट बाल्टिस्तानमा भौतिक संरचना बनाउन थालेपनि बीचैमा छाड्ने प्रवृत्ति बढ्न थालेको भारतीय समाचार संस्था एएनआईले जनाएको छ ।

गिल्गिट बाल्टिस्तानको जगलोट र बोन्जी जोड्ने पक्की पुलको निर्माण कार्य दुई वर्षअघि शुरु भएपनि हालसम्म पूरा हुन सकेको छैन ।

निर्माण शुरु गर्ने तर सम्पन्न नगरी बीचैमा बेवारिसे छाडिएकाले दुर्घटनाको जोखिम बढेको एएनआईले जनाएको छ । सो क्षेत्रका स्थानीयहरु काठेपुल प्रयोग गर्न बाध्य भएका छन् ।

यस्ता परियोजनामा गुणस्तरहीन सामग्रीको प्रयोग र आवश्यक अध्ययनबिनै निर्माण कार्य अघि बढाइएकाले पनि दिगो रुपमा पूर्वाधार नबन्ने गरेको एएनआईले उल्लेख गरेको छ ।