बाँसुरी भन्ने बित्तिकै हामीलाई भगवान् श्री कृष्णको याद आउने गर्छ । भगवान कृष्णलाई प्राय नेपालीहरूले पुज्ने गर्छन् । र भगवान् कृष्णको बाँसुरीको धुनको प्रशंसा नसुन्ने कमै होलान् ।

भगवान् कृष्णले बाँसुरी बजाएर १६ सय गोपिनीलाई मोहित पारेको पनि हामी सबैलाई याद नै छ । आज हामी यही बाँसुरीका बारेमा चर्चा गर्नेछौँ ।

बाँसुरी घरमा राख्दा परिवारका सदस्य तथा श्रीमान् श्रीमतीको सम्बन्धमा मिठास छाउँछ । यस्तै, वास्तु दोषबाट पनि छुटकारा पाउन सकिने वास्तु शास्त्रमा उल्लेख गरिएको पाइन्छ ।

वास्तु शास्त्रअनुसार पूजा कोठामा बाँसुरी राख्दा घरका मानिसहरूमा आपसी प्रेम र सद्भाव रहिरहन्छ र भगवान् कृष्णको कृपादृष्टि परिरहन्छ भन्ने मान्यता छ । बाँसुरीलाई उन्नति र प्रगतिको सूचक पनि मानिन्छ ।