संघीइ राजधानी सहर काठमाडौं फेरि एक पटक संसारकै खराब वायु भएको स्थानमा दरिएको छ ।

एयर क्वालिटी इन्डेक्सले वेबसाइटमा शुक्रबार सार्वजनिक सूचीअनुसार विश्वका प्रमुख प्रदूषित १५ सहरको सूचीमा काठमाडौं पहिलो बनेको हो ।

एयर क्वालिटी इन्डेक्सका अनुसार शुक्रबार काठमाडौंको वायु गुणस्तर सूचकांक (एक्यूआई) २०६ देखिएको छ ।

काठमाडौंपछि दोस्रो प्रदूषित सहर पाकिस्तानको लाहोर बनेको छ । तेस्रो प्रदूषित सहररमा भारतको राजधानी नयाँ दिल्ली रहेको छ ।लाहोरको एक्यूआई १८१ देखिँदा दिल्लीको १७० पाइएको छ ।

काठमाडौं सहर पटक पटक विश्वकै प्रदूषित सहरको शीर्षमा उक्लिने गरेको छ ।  गत चैत २७ मा पनि यो सहर वायु प्रदूषणतर्फ पहिलो नम्बरमा थियो । त्यसबेला एक्यूआई २ सय नाघेको थियो ।

एयर क्वालिटी इन्डेक्सका अनुसार वायु प्रदूषण शून्यदेखि ५० सम्मको एक्युआइलाई राम्रो मानिन्छ । ५१ देखि १०० सम्म सतर्क हुने अवस्था हो ।

१०१ देखि १५० सम्मको एक्यूआई खतरनाक मानिन्छ । जसबाट श्वाशप्रश्वास र मुटु रोगीलाई गम्भीर असर पार्न सक्छ । १५१ देखि २०० एआईक्युसम्मको वायु घातक हुन्छ ।