काठमाडौँ– काराबाओ (इएफएल) कपको उपाधि लिभरपुलले जितेको छ । गएराती सम्पन्न फाइनल खेलमा चेल्सीलाई १–० गोलले हराउँदै लिभरपुलले उपाधि जितेको हो ।
लिभरपुलका लागि भिर्गिल भान डाइकले एक गोल गरेका थिए । निर्धारित ९० मिनेटको खेलमा दुवैतर्फबाट कुनै गोल नभए पछि खेल अतिरिक्त समयमा गएको थियो ।
अतिरिक्त समयको ११८औँ मिनेटमा भिर्गिलले गोल गरेका थिए । उनले गरेको यो गोल नै लिभरपुलको जितका लागि निर्णायक बनेको थियो ।
यो सँगै लिभरपुलले १०औँ पटक काराबाओ कपको उपाधि जितेको छ । यस्तै, म्यानचेस्टर सिटीले ८, म्यानचेस्टर युनाइटेडले ६, चेल्सी र एस्टन भिल्लाले ५–५ पटक उपाधि जितेका छन् ।
प्रतिक्रिया