काठमाडौं– हामी सबैको रहर हुन्छ- आफ्नो घर अफिस वा कोठालाई सुन्दर र आकर्षक बनाउने । यही रहरका कारण पछिल्लो समय धेरै घरहरूमा इन्डोर प्लान्टहरू लगाइएका देखिन्छन् ।

कतिपय घरमा त यिनको फाइदाका बारेमा थाहा भएर रोपिन्छन् भने कतिपयलाई थाहा नै नभई पनि यी बिरुवाहरू रोपिएका हुन्छन् । आज हामी यी नै विषयमा जोडिएर घरमा इन्डोर प्लान्ट रोप्दा हुने फाइदाबारे बताउने छौँ ।

इन्डोर प्लान्टलाई वास्तुशास्त्रले पनि निकै महत्व दिएको छ । वास्तुमा कस्ता बिरुवा घरमा रोप्ने वा कुन दिशामा रोप्ने भनेर पनि वास्तुमा जानकारी दिएको पाइन्छ ।

स्वास्थ्यका हिसाबले इन्डोर प्लान्ट राख्दा घर बाहिरबाट आउने अक्सिजनलाई शुद्धीकरण गर्न यसले महत्वपूर्ण भूमिका खेल्छ ।

इन्डोर प्लान्टको मुख्य काम नै अक्सिजन प्युरिफाई अर्थात् शुद्धीकरण गर्ने जानकारहरु बताउँछन् । कतिपय अस्पतालमा पनि हामीले मनिप्लान्ट स्नेक प्लान्ट, बेम्बो प्लान्ट, पिस लिली, स्पाइडर प्लान्ट, जेड प्लान्ट, रबर प्लान्ट, एरेका पाम, ड्रासेनालगायतका प्लान्टहरू लगाइएका ।