काठमाडौं – इङ्लिस प्रिमियरसिप अन्तर्गत शनिबार राति भएको खेलमा म्यानचेस्टर सिटीलाई टोटन हाम हस्टस्पर्सले ४-० ले हराएको छ।
सिटीको यो लगातार पाँचौँ हार हो। सन् २००६ पछि क्लबका लागि यत्ति लामो पराजयको शृङ्खला समेत पहिलो पटक हो।
टोटनहामलाई जित दिलाउने क्रममा जेम्स मेडिसनले दुई गोल गरे। २० औँ मिनेटमा मेडिसनकै २ गोलमा अघि बढेको टोटनहामका लागि पेड्रो पोरोले तेस्रो गोल गरे भने खेलको अन्तिम मिनेटमा ब्रेनान जोन्सनले अर्को गोल थपे।
सन् २००३ मा आर्सनलसँग ५-१ ले पराजयको सामना गरे यता सिटीको यो सबै भन्दा खराब प्रदर्शन हो। पराजित सिटी १२ खेलमा २३ अङ्कसहित दोस्रो स्थानमा छ। टोटनहाम १९ अंकसहित छैठौं स्थानमा छ।
प्रतिक्रिया