काठमाडौं- भदौ २१ अर्थात् तीज लक्षित गरी प्रदर्शनमा आउन लागेको फिल्म ‘देवी’को शीर्ष गीत सार्वजनिक भएको छ । सार्वजनिक गीतको भिडियोमा नायिका शिल्पा मास्के मात्रै फिचर्ड छन् ।

उक्त गीतमा मिङ्मा डी लेप्चाको कोरियोग्राफी तथा निर्देशन रहेको छ । गीतमा शब्द, कम्पोज र स्वर स्वप्नील शर्माको छ । संगीत भने रोहित शाक्यको रहेको छ ।

सामाजिक घटनामा बनेको यस फिल्ममा शिल्पा मास्के, गौरव पहारी, नाजिर हुसेन, टीका पहारी, प्रभाकर न्यौपाने, ध्रुब कोइराला, निरीक्षा घतानी, विशाल पहारी, निरु खड्का, जीवन जंग खड्का र विकास पन्तको अभिनय रहेको छ ।

फिल्म ‘देवी’को ट्रेलरमा अटायो निर्मला पन्तको घटना !

फिल्मले समाज घटेका बलात्कारजन्य घटना र अनुसन्धानमा शक्तिको हस्तक्षेपको कथामा उठान गर्ने बताइएको छ ।

क्राइम थ्रिलर जनरामा निर्माण भएको यस फिल्म निर्देशक राई र अजय गौतम मिलेर लेखेका हुन् ।

रेमन गुरुङ र सञ्जोग राईको निर्माण रहेको छ । एक्जिबिट स्टुडियोको प्रस्तुतिमा बनेको यस फिल्मको निर्माण टिमले प्रदर्शनका लागि बाँसुरी फिल्मस्सँग सहकार्य गरेको छ ।

हेर्नुहोस् भिडियो :