थिम्पु- भुटानको ग्याल्सङ पूर्वाधार परियोजनामा लगानी गर्न भारत र भुटानबीच १५ अर्ब भारतीय रुपैयाँ बराबरको सम्झौतामा हस्ताक्षर भएको छ ।
एक समारोहबीच भुटाका लागि भारतीय राजदूत सुधाकर दलेला र भुटानको विदेश एवम् वाह्य व्यापार मन्त्रालयका अन्तरिम सल्लाहकार दासो छेवाङ रिन्जिनबीच सम्झौतापत्रमा हस्ताक्षर भएको हो ।
यसअघि भुटानको शाही सरकारको आग्रहमा भारतले सोही क्षेत्रका लागि २ अर्ब डलर अनुदान दिएको थियो । भुटानी नरेशले सन् २०१९ मा घोषणा गरेको यस परियोजनाले भुटानको भविष्यलाई निर्धारण गर्ने अपेक्षा गरिएको भुटान लाइभले जनाएको छ ।
ग्याल्सङ शिक्षालयबाट आगामी सेप्टेम्बरबाट प्रशिक्षण सुरु हुने तय छ ।
प्रतिक्रिया