काठमाडौं- नायिका नीता ढुंगाना र नायक हरिहर अधिकारीको शीर्ष भूमिका रहेको फिल्म ‘ह्रस्व दीर्घ’को प्रदर्शन मिति हेरफेर भएको छ । नायक अधिकारीले सोमबार नयाँ प्रदर्शन मिति कार्तिक ३० गतेलाई तोकिएको जानकारी दिएका हुन् ।

यसअघि असोज ३ गते फिल्मको प्रदर्शन मिति तोकिएको थियो । नायक अधिकारीका अनुसार फिल्मको प्राविधिक काम नसकिएपछि प्रदर्शन मिति हेरफेर गर्नुपरेको हो ।

हाल यस फिल्मको ‘पोष्ट प्रोडक्सन’को काम भारतको मुम्बईमा भइरहेको छ ।

• पुष्पाको भिलेन नेपाली फिल्म ‘ह्रस्व दीर्घ’ मा

चर्चित भारतीय कालकारहरुको अभिनय रहने भएकाले यस फिल्म निर्माण चरणको सुरुवातदेखि चर्चामा छ । ब्रह्मनम्दम्, अली, प्रदीप रावत, कविर दुहान सिंह र सुनिल वर्मालगायत भारतीय कालकार यस फिल्मको मुख्य भूमिकामा छन् ।

नेपाली कलकारहरूमा हरिहर र नीताको शीर्ष भूमिका छ भने प्रशान्त ताम्राकार, सञ्चिता लुइँटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसीलगायत कलाकार पनि प्रमुख भूमिकामा छन् ।

• ‘ह्रस्व दीर्घ’ को छायांकन रामोजी फिल्म सिटीमा हुने
• ‘ह्रस्व दीर्घ’ यस्तो छ नीताको ‘लुक्स’

यस फिल्मको कथा नायक अधिकारीकै हो । निर्देशन चन्द्र पन्तले गरेका छन् । प्रतीक पौडेल, निर्देशक पन्त र अधिकारीको पटकथा तथा संवाद रहेको फिल्मलाई बलिउडका चर्चित सिनेमोटोग्राफर कविरलालले खिचेका हुन् ।

नीता फिल्मस्को प्रस्तुतिमा निर्माण भएको यस फिल्मको निर्माता नीता आफैँ हुन् । कार्यकारी निर्माता धनञ्जय गलानी हुन् । यस फिल्म नेपाली, तेलगु र हिन्दी भाषामा प्रदर्शन हुने निर्माण पक्षले बताएको छ ।

• फिल्म ‘ह्रस्व दीर्घ’को नयाँ पोस्टर सार्वजनिक
• ह्रस्व दीर्घको ‘उठेर नाचिस्यो, बसेर नाचिस्यो’ गीत सार्वजनिक
• ‘ह्रस्व दीर्घ’को नयाँ पोस्टर सार्वजनिक