काठमाडौं–नेपाल स्टक एक्चेञ्जमा समस्या देखिएको छ । नेप्से बन्द हुनु भन्दा केही बेर अगाडि देखि यो समाचार तयार पर्दा सम्ममा नेप्सेको सर्भर डाउन भएका कारण नेप्सेको कुनै पनि डाटा देखिएको छैन ।

नेप्सेका अनुसार नेप्सेको डाटा दिने सिस्टम र कारोबार गर्ने सिस्टम फरक फरक छ । डाटा दिने सिस्टममा पावर सप्लाई नभएकाले अहिले नेप्सेमा समस्या आएको नेप्सेका सुचना अधिकारी मुहारी पराजुलीले जानकारी दिए ।

‘डाटा दिने सर्भरमा समस्या आएको हो’, पराजुलीले खबरहबसँग भने, ‘अब केही बेरमा समस्या समाधान हुन्छ, अनि नेप्सेको डाटा देखाउँछ ।’

पराजुलीका अनुसार डाटा दिने सर्भरमा पावर कनेक्सन काटिएकाले समस्या आएको हो । अहिले नेप्सेले त्यो समस्या समाधान गर्ने लागिरहेको पराजुलीले बताएका छन् ।