काठमाडौं‍- आगामी डिसेम्बर ५ बाट दक्षिण भारतीय फिल्म ‘पुष्पा–२’ प्रदर्शनमा आउँदै छ । फिल्ममा तेलगु नायक अल्लु अर्जुन र नायिका रश्मिका मन्दन्ना केन्द्रीय भूमिकामा छन् ।

पहिलो श्रृङ्खला अत्यधिक रुचाइएकाले यसलाई बहुप्रतिक्षित फिल्मका रुपमा लिने गरेको छ । ट्रेलरलाई दर्शकले दिएको साथले पनि यो कुरा प्रष्ट भएको छ ।

सार्वजनिक भएको सुरुवाती २४ घण्टामा युट्युबमा ट्रेलर ९ करोड ८० लाखभन्दा बढी भ्युज पाएको छ । उक्त भ्युज हिन्दी र तेलगु भाषाका दुई ट्रेलरको हो ।

२४ घण्टा हिन्दी भाषाको ट्रेलरले ५ करोड ३० लाख र तेलगु भाषाको ट्रेलरले ४ करोड ५० लाख भ्युज पाएको हो ।

ट्रेलरलाई दर्शकहरुले रुचाइएको पाइएको छ । यो पटक अल्लु अर्जुनको संवाद ‘वाइल्ड फायर’ले दर्शकले मन जितेको युट्युबको कमेन्ट थाहा पाउन सकिन्छ । धेरैले सोही संवाद कमेन्ट बक्समा लेखेका छन् ।