काठमाडौं- संघीय राजधानी सहर काठमाडौंलाई जोड्ने बलम्बु-सिस्नेखोला सुरूङमार्गमा ‘फ्लाइओभर’को काम धमाधम भइरहेको छ ।
त्रिभुवन राजपथसँग जोड्ने गरी बलम्बुमा बनाइएको ‘फ्लाइओभर’ निर्माणको कामले तीव्रता पाएको हो ।
राजमार्गबाट सुरूङमार्गतर्फ सवारी साधन मोडिँदा ट्राफिक जाम हुन सक्ने भएकोले ‘फ्लाइओभर’ निर्माण गरिएको हो ।
अबको एक वर्षभित्र सवारी साधन चलाउने गरी निर्माण भइरहेको नागढुंगा–सिस्ने खोला सुरुङ निर्माण आयोजनाका उपआयोजना निर्देशक गोविन्द दुमरुले बताए।
यो ‘फ्लाइओभर’को लम्बाइ एक सय २८ मिटर र चौडाइ ७ मिटरको हुनेछ। बलम्बुको ‘फ्लाइओभर’ र नागढुंगा–सिस्ने खोला सुरुङ मार्ग सञ्चालनमा आउन अझै एक वर्ष लाग्न सक्नेछ ।
तस्बिरहरू : नेपाल फोटो लाइब्रेरी
प्रतिक्रिया