काठमाडौं- यही मंसिर १६ गते हुन लागेको स्थानीय तहको उपनिर्वाचनका लागि धमाधम उम्मेदवारी दर्ता भइरहेको छ।

काठमाडौंको कीर्तपुर नगरपालिकामा सबैभन्दा पहिले साना दलहरूको उम्मेदवारी परेको छ ।

नगरपालिकाको मेयरका लागि डा. बाबुराम भट्टराई नेतृत्वको नेपाल समाजवादी नयाँ शक्तिका दिलकुमार महर्जनले उम्मेदवारी दर्ता गराएका छन् ।

त्यसैगरि नारायणमान बिजुक्छें नेतृत्वको नेपाल मजदुर किसान पार्टीका श्रीकृष्ण महर्जनले पनि उम्मेदवारी दिएका छन् ।

त्यसैगरी वडा नम्बर ४ को अध्यक्षका लागि महेश्वर सुवेदीले उम्मेवारी दिएका छन् । वडा नम्बर १ का लागि कृष्णप्रसाद महर्जनको उम्मेदवारी परेको छ।

उता राष्ट्रिय प्रजातन्त्र पार्टीले पनि मनोनयन दर्ता गराएको छ । राप्रपाबाट मेयरमा ध्रुव मर्जहनले उम्मेदवारी दिएका छन् । राप्रपाबाट वडा नं. ४ मा विजय बस्नेत र वडा नम्बर १ मा सुरेन्द्र प्रसाद उप्रेती को उम्मेदवारी परेको छ।

त्यसैगरी कीर्तिपुर नगरपालिकाको मेयरमा नेकपा एमालेबाट केन्द्रीय सदस्य डा. सुरेन्द्र मानन्धले मनोनयन दर्ता गराएका छन् ।

एमालेबाट वडा १ को अध्यक्षका लागि हर्ष महर्जन र वडा ४ को अध्यक्षका लागि बद्री बुढाथोकीले उम्मेदवारी दर्ता गराएका छन् ।