काठमाडौं – घनश्याम लामिछानेको निर्देशन रहेको फिल्म ‘लण्डन टु पेरिस’को दोस्रो गीत ‘चाहान्छु यो माया’सार्वजनिक भएको छ । निर्माण पक्षले शुक्रबार युट्युबमार्फत गीत सार्वजनिक गरेको हो ।

राम अविरल यो रोमान्टिक गीतको शब्द कोरेका हुन् । यसमा एसडी योगीको र नभिता पौडेलले रहेको छ । संगीत भने गायक योगी आफैँले भरेका हुन् ।

गीतमा साम्राज्ञी राज्यलक्ष्मी शाह, निश्चल खड्का र गरिमा शर्माबीचको त्रिकोणात्मक प्रेमलाई देखाइएको छ । जेठ २५ बाट यो फिल्म प्रदर्शनमा आउँदै छ । ट्राभल लभस्टोरीमा आधारित यस फिल्मको कथा, पटकथा र संवाद प्रदीप भारद्धाजले लेखेका हुन्य

सै फिल्मबाट निश्चल र गरिमाले ठूलो पर्दामा डेब्यू गरेका हुन् । फिल्ममा साम्राज्ञी, निश्चलसहित गरिमाका अलवा कविर खड्का, रुष्मा थापा, मनिश श्रेष्ठ र मनिष गान्धीको प्रमुख अभिनय रहेको छ ।

एबी इन्टरनेश्नलको प्रस्तुति रहेको यस फिल्म गौतम प्रोडक्सन र अर्चिड भेस फिल्मस् लिमिटेडको निर्माण सहकार्य बन्न लागेको हो । अमित बस्नेतले निर्माण गरेको सिनेमामा आरोन बस्नेत, एरियाना बस्नेत तथा परी राना निर्माताका रुपमा रहेका छन् ।