काठमाडौं – जर्मन बुन्डेसलिगामा वायरन म्युनिखले पहिलो पराजयको सामना गरेको छ। शनिबार राति भएको खेलमा मेन्जले म्युनिखलाई २-१ ले हरायो। सो खेलको ४१ औं मिनेटमा म्युनिखको रक्षापक्तीले गरेको गल्तीको फाइदा उठाउँदै दक्षिण कोरियाली स्ट्राइकर ली जाय सुङले मेन्जलाई अग्रता दिलाएका थिए।

६० औं मिनेटमा सङले नै अर्को गोल थपे। खेल सकिन तीन मिनेट बाँकी रहँदा लियोरे सानले म्युनिखका लागि गोल गरे।

बुन्डेसलिगका शनिबार भएका अन्य खेलमा वायर लिभरकुसेनले अग्सबर्गलाई २-० ले हरायो। बोरुसिया मोन्चेनग्लेडब्याकले होल्टलकेइललाई ४-१ ले, वेरडर ब्रेमनले सेन्ट पाउलीलाई २-० ले हराए। युनियन बर्लिन र बोकुमबिचको खेल १-१ को बराबरीमा सकियो।

तालिकामा म्युनिखको ३३ तथा दोस्रो स्थानमा रहेको लिभरकुसेनले २९ अङ्क छ। एक खेल कम खेलेको फ्रान्क फर्टको २७ अङ्क छ।