दोहा- कतारले मृत्युदण्डको फैसला सुनाएका आठ जना भारतीय नौसेनाका ८ जना पूर्वकर्मचारी रिहा भएका छन् । कतारको एउटा अदालतले मुक्त गर्न आदेश दिएपछि उनीहरु रिहा भएका हुन् । कतारको निजी सुरक्षा कम्पनीमा काम गर्ने ती भारतीय नागरिकले कतारी जलसेनालाई विभिन्न तालिम दिँदै आएका थिए ।

उनीहरुलाई सन् २०२२ को सेप्टेम्बरमा पक्राउ गरिएको थियो । अन्तर्राष्ट्रिय समाचार संस्था रोयटर्सका अनुसार उनीहरुमाथि इजरायलका लागि गुप्तचरी गरेको अभियोग लगाइएको थियो ।

कतार भारतको लागि प्राकृतिक ग्यासको सबैभन्दा ठुलो आपूर्तिकर्ता हो । कतारमा करिब आठ लाख भारतीय काम गर्छन् ।

दुबईमा डिसेम्बर १ मा भारतीय प्रधानमन्त्री नरेन्द्र मोदी र कतारका अमिर शेख तमिम बिन हमाद अल थानीबिच कप–२८ सम्मेलनको बेलामा भेटवार्ता भएको थियो । यो भेटघाटको चार हप्ता भित्र यो घोषणा आएको छ ।