लन्डन – बेलायतका एक कन्जरभेटिभ नेताले काका भाइ बहिनीबीचको विवाहमा प्रतिबन्ध लगाउन संसदमा माग गरेका छन् । बेलायती मिडियाहरूका अनुसार सांसद रिचर्ड होल्डनले बुधबार प्रस्ताव प्रस्तुत गर्दा काका भाइबहिनीबीचको विवाहबाट जन्मिने बालबालिकामा रोग र अपाङ्गताको जोखिम निकै बढेको बताए । जसका कारण जनस्वास्थ्य प्रणालीलाई असर गरिरहेको छ ।

अक्सफोर्ड जर्नल अफ ल एन्ड रिलिजन रिसर्चलाई उद्धृत गर्दै सांसदले भने कि यस्ता विवाहबाट जन्मिएका बालबालिकामा सामान्य बालबालिकाको तुलनामा आनुवंशिक रोग लाग्ने सम्भावना दोब्बर हुन्छ । यो प्रथा महिलाको सुरक्षाका लागि पनि खतरा हो ।

होल्डनले यो पनि भने कि, ‘यो अभ्यास आधुनिक ब्रिटिश समाजको लागि बिल्कुल ठीक छैन। हजुरबा हजुरआमाको पालाको तुलनामा अहिले अवस्था नाजुक बन्दै गएकाले देशका लागि चिन्ताजनक अवस्था सिर्जना भएको छ ।’

होल्डनले भने कि बेलायतका केही आप्रवासी समुदायहरू जस्तै ब्रिटिश–पाकिस्तानी र आयरिशहरू काका भाई बहिनीहरू बीच विवाहको उच्च दर छ। यीमध्ये करिब ४० प्रतिशत विवाह पहिलो कजनमा बीचमा नै हुने गर्दछ।

सांसदले भने कि संसारभरि करिब १० प्रतिशत बिहे काकाका भाइ बहिनीबीच हुने गरेको छ । अफ्रिकाको सहारा क्षेत्रमा ३५ देखि ४० प्रतिशत मानिसहरूले चचेरी बहिनीसँग विवाह गर्छन्। यो संस्कृति मध्य पूर्व र दक्षिण एशियामा पनि धेरै सामान्य छ। पाकिस्तानका केही भागहरूमा यो ८० पुगेको छ।