काठमाडौं – भारतको गुजरातका मुख्यमन्त्री भूपेन्द्र पटेलले सन् २०४७ सम्ममा आफ्नो राज्यको अर्थतन्त्र ३.५ ट्रिलियन डलर बराबर पुर्‍याउने गरी काम भइरहेको जनाएका छन् ।

औद्योगिक घरानाका प्रतिनिधिलाई सम्बोधन गर्दै मुख्यमन्त्री पटेलले प्रधानमन्त्री नरेन्द्र मोदीले अघि सारेको विकसित भारतको परिकल्पनालाई साकार पार्न आफूले काम गरिरहेको उल्लेख गरे ।

प्रधानमन्त्री मोदीले सन् २०४७ सम्म भारतलाई विकसित मुलुकको दाँजोमा पु¥याउने परिकल्पना गरेका छन् । सन् २०४७ मा भारतले स्वतन्त्रता पाएको १ सय वर्ष पूरा हुँदैछ ।

उनले सरकारले अघि सारेका उद्योगमैत्री नीति कार्यक्रमबाट गुजरातमा ठूलो परिमाणमा प्रत्यक्ष वैदेशिक लगानी पनि भित्रिरहेको जानकारी दिए । उनले पछिल्लो समय गुजरातमा सेमिकण्डक्टर, हरित हाइड्रोजन र नवीकरणीय ऊर्जाजस्ता क्षेत्रमा लगानी बढिरहेको उल्लेख गरे ।