काठमाडौं- यूएईस्थित इन्डेक्स एक्स्चेन्जले नेपालीहरूका लागि विशेष योजना ल्याएको छ ।

एक्सचेन्जले अघिल्ला बर्षझैँ यस वर्ष पनि ‘विन अ मिलियन’को तेस्रो संस्करण लिएर आएको हो।

जसअन्तर्गत यूएईमा रहेका नेपालीहरूले इन्डेक्स एक्स्चेन्जबाट नेपाल पैसा पठाउँदा नगद १० लाखसम्म जित्न सक्ने भएका छन् । यसक्रममा नेपाल जाने हवाई टिकट पनि उपाहार जित्न सक्ने कम्पनीले जनाएको छ ।

अघिल्ला वर्षहरूमा नेपाली समुदायलाई लक्षित गरि ल्याइएका योजनामा धेरैले लाभ लिएको कम्पनीले जनाएको छ ।

यसअघि यस योजनाअन्तर्गत रुपन्देहीका नुरुद्दीन चुरिहारले नेपालमा घरसमेत जितेका थिए । कयौँ नेपालीले लाखौँ रुपैया नगद, सुनका सिक्का र अन्य पुरस्कार जितेका थिए ।

कम्पनीले नेपाली समुदायलाई वैधानिक विप्रेषण बढाउने अभियान चलाइरहेको छ । यूएईबासी नेपालीमाझ कम्पनीले सचेतना कार्यक्रम पनि चलाइरहेको छ ।

वैधानिक विप्रेषणतर्फ आकर्षित गर्न श्रमिक लागि ‘विन अ मिलियन’को तेस्रो संस्करणसहितका योजना हरेक वर्ष लिएर आउने गरेको इन्डेक्स एक्स्चेन्जका कार्याकारी प्रमुख सैयेद अब्दुस सलामले जानकारी दिए ।

इन्डेक्स एक्स्चेन्जले नेपाल र यूएईबासी नेपालीलाई प्राथमिकतामा राखेर हरेक वर्ष यस्ता योजना ल्याउने गरेको प्रमुख ब्यवसाय प्रबन्धक मिरके रसुलले जानकारी दिए ।

यो योजनाको तेस्रो संस्करण, सेप्टेम्बर ११, २०२४ बाट सुरु भएर अक्टोबर ३१, २०२४ सम्म रहने कम्पनीले जनाएको छ ।