काठमाडौं– नायक धिरज मगर र नायिका उपासना सिंह ठकुरीको मुख्य भूमिका रहेको फिल्म ‘खुस्मा’को टिजर सार्वजनिक भएको छ ।

निर्माण पक्षले शनिबार सार्वजनिक गरेको दुई मिनेट २४ सेकेन्ड लामो टिजरले फिल्मका मुख्य पात्र धिरज-उपासनको प्रेम र माओवादी द्वन्द्वले गाउँमा पारेको प्रभावलाई प्रस्तुत गरेको पाइन्छ।

टिजरमा फिल्मका मुख्य कलाकारहरूलाई नै स्थान दिइएको छ । आगामी असोज ३ संविधान दिवसको दिन फिल्मको प्रदर्शन मिति तय गरिएको छ ।

निर्माण पक्षले दिएको जानकारी अनुसार फिल्म जनयुद्धको प्रभाव भएको मगर समुदायको एक प्रेमकथामा आधारित छ ।

एम मिडिया प्रालिको ब्यानरमा निर्माण भएको यस फिल्मका लेखक तथा निर्देशक अशोक थापा मगर गरेका हुन् ।

निर्मातामा वीर बहादुर लामा, चन्द्र बहादुर भट्टचन र बेतान मगर छन्, भने सह-निर्मातामा मान बहादुर धनाह मगर र सुस्मिता बुढाथोकी हुन् ।

हेर्नुहोस् भिडियो :