काठमाडौं– एफए कप कम्युनिटी शिल्डको उपाधि म्यानचेस्टर सिटीले जितेको छ। वेम्बली रंगशालामा शनिबार भएको खेलमा म्यानचेस्टर युनाइटेडलाई पेनाल्टी सुटआउटमा ७–६ गोलले हराउँदै सिटीले उपाधि जितेको हो ।
निर्धारित र अतिरिक्त समयमा दुवै टोलीबाट १–१ गोलको बराबरी भएपछि खेल पेनाल्टी सुटआउटमा पुगेको थियो ।
निर्धारित ९० मिनेटको खेलमा ८२औँ मिनेटमा युनाइटेडका अलेजान्ड्रो गार्नाचाले सुरुवाती गोल गरेका थिए । तर खेलको ८९ औँ मिनेटमा सिटीका बर्नार्डो सिल्भाले गोल गर्दै खेललाई १–१ गोलको बराबरीमा ल्याएका थिए ।
यो जितसँगै सिटीको यो सातौँ उपाधि हो । सिटीले यसअघि सन् १९३७, १९६८, १९७२, २०१२, २०१८ र २०१९ मा उपाधि जितेको थियो ।
प्रतिक्रिया