काठमाडौं । नेकपा माओवादी केन्द्रका नेता रेवतराज पुरी ‘गगन’ सम्पत्ति शुद्धीकरणमा दोषी ठहर भएका छन्। विशेष अदालतले उनलाई दोषी ठहर गरेको छ । उनी माओवादी केन्द्र कोशी प्रदेश समितिका कोषाध्यक्ष हुन् ।
विशेष अदालतका अध्यक्ष टेकनारायण कुँवर तथा सदस्यहरू तेजनारायणसिंह राई र मुरारीबाबु श्रेष्ठको इजलासले पुरी र उनकी श्रीमतीको नाममा ४ करोड ३ लाख ३४ हजार ८ सय ९४ रुपैयाँ अवैध सम्पत्ति भेटिएको बताएको छ ।
उनीहरूले दमक– १३ मा सरकारी जग्गा हडपेर सम्पत्ति आर्जन गरेको निष्कर्ष अदालतको छ । मुद्दा दायर भएको तीन वर्षपछि विशेषले फैसला सुनाएको हो। ६ फागुनमा उनीहरूलाई विशेषले सजाय सुनाउनेछ।
प्रतिक्रिया