काठमाडौं – इङ्ग्लिस प्रिमियर लिगमा म्यान्चेस्टर युनाइटेडले शानदार जित निकालेको छ । आइतबार भएको खेलमा युनाइटेडले लेस्टर सिटीलाई ३–० ले पराजित गरेको हो ।
घरेलु मैदानमा भएको खेलमा युनाइटेडको जितमा बुर्नो फर्नान्डिज र एलेक्जेन्डर गोर्नाचोले गोल गरे । लेस्टर सिटीले एक आत्मघाती गोल गरेका थियो ।
खेलको १७औं मिनेटमा फर्नान्डिजले गोल गर्दै युनाइटेडलाई अग्रता दिलाएका थिए । ३८औं मिनेटमा लेस्टरका भिक्टर क्रिस्टिसेनले आत्मघाती गोल गरेपछि युनाइटेडले अग्रता दोब्बर बनाएको थियो । खेलको दोस्रो हापमा युनाइटेडका लागि गोर्नाचोले गोल गरे ।
जितसँगै ११ खेलबाट १५ अंक जोडेको युनाइटेड १३ औं स्थानमा छ । समान खेल खेलेको लेस्टर १० अंकसहित १५ औं स्थानमा छ ।
प्रतिक्रिया