दोलखा– आन्तरिक राजस्वको कार्यालय, करदाता सेवा कार्यालय चरिकोटबाट गत आर्थिक वर्ष २०८०/०८१ मा ३४ करोड बढी राजस्व संकलन भएको छ ।

कार्यालयले विभिन्न राजस्व शीर्षक तथा उपशीर्षक मार्फत ३४ करोड ७५ लाख ५५ हजार तीन सय सात रुपैयाँ राजस्व संकलन गरेको करदाता सेवा कार्यालय चरिकोटकी कर अधिकृत सम्झना गौतमले बताइन् ।

कार्यालयले आय कर- व्यक्तिगत फार्मबाट छ करोड ३६ लाख ७६ हजार चार सय, पारिश्रमिक आयकरबाट २ करोड ४५ लाख दुई हजार आठ सय, पुँजीगत लाभ कर व्यक्तिगतबाट १ करोड २५ लाख ८२ हजार नौ सय,आकस्मिक लाभकरबापत ४ लाख ५२ हजार तिन सय,आयकर सरकारी प्रतिष्ठानहरूबाट ३० हजार पाँच सय राजस्व संकलन भएको अधिकृत गौतमले बताइन् ।

त्यसैगरी पब्लिक आयकर बापत चार लाख ६७ हजार, प्रालि करबापत १ करोड ९७ लाख एघार हजार,अन्य निकायबाट ७९ लाख ५७ हजार, पारिश्रमिकमा आधारित सामाजिक सुरक्षा करबापत ३ करोड ८४ लाख २१ हजार तिन सय,बहाल करबापत ८० लाख ८३ हजार राजस्व संकलन भएको छ ।

त्यस्तै परामर्श तथा ठेक्का करबापत ६ करोड ६ लाख ७४ हजार,पर्यटन सेवा कर बापत ६ लाख ६० हजार,वस्तु बिक्री तथा वितरण कर बापत ४ करोड १४ लाख २४ हजार राजस्व जम्मा भएको हो ।

त्यसैगरी ब्याज कर बापत  ४ करोड २२ लाख आठ हजार, अन्तःशुल्क मदिराबाट  ४४ लाख २१ हजार,सुर्तीजन्य पदार्थबाट ४ लाख ६९ हजार राजस्व जम्मा भएको कार्यालयले जनाएको छ ।

कार्यालयको तथ्यांक अनुसार आयकर बापत १७ करोड ३ लाख ६० हजार, बहाल कर बापत ८० लाख ८३ हजार,ब्याज कर बापत ४ करोड २२ लाख आठ हजार गरी जम्मा २२ करोड ६ लाख ५३ हजार आयकर जम्मा भएको हो ।

त्यस्तै मु.अ.कर (आन्तरिक)अन्त शुल्क आन्तरिक बापत १२ करोड ६९ लाख एक हजार  जम्मा ३४ करोड ७५ लाख ५५ हजार तिन सय रुपैयाँ राजस्व संकलन भएको छ। सो मध्ये बैंक भौचरबाट २० करोड ४९ लाख ८८ हजार चार सय, ई पेमेन्टबाट १४ करोड २५ लाख ६६ हजार आठ सय रुपैयाँ जम्मा भएको थियो ।
-सुबास बस्नेत