लेबनान – इजरायलले दक्षिणी लेबनानमा आक्रमण जारी राखेको छ। मंगलबार भएको आक्रमणमा चार आवास गृह नास भएका छन्।

इजरायली प्रधानमन्त्री बेन्जामिन नेतान्याहुले लेबनानले गाजाले जस्तै क्षति सहनु पर्ने चेतावनी दिएका छन्। लेबनानको स्वास्थ्य मन्त्रालयले दिएको जानकारी अनुसार मंगलबार मात्र ३६ जनाको ज्यान जानुका साथै १५० जना घाइते भएका छन्।

इजरायली डिफेन्स फोर्सले उत्तरी गाजामा रहेको कामल आदवान, इन्डोनेसियन र अल अदवा अस्पतालका स्वास्थ्यकर्मी तथा बिरामीलाई २४ घण्टामा सो अस्पताल छाड्न भनेका छन्। उत्तरी गाँजामा भएको पछिल्लो आक्रमणमा कम्तीमा २५ जनाको ज्यान गएको छ।,

गाजामा गएको १ वर्षमा भएको आक्रमणमा कम्तीमा ४१ हजार ९६५ जनाको ज्यान गएको छ। यसैगरी ९७५९० जनाको ज्यान गएको जनाइएको छ।

इजरायलले नेसुरायत र बेरुजीको शरणार्थी शिविरमा पनि आक्रमण जारी राखेको छ। नुरेतको शिविरमा रहेको अल जामल परिवारको घरमा इजरायलको आक्रमणबाट ध्वस्त भएको घरबाट तीन जनाको शव निकालिएको थियो।

यसरी मारिनेमा तीन वर्षीय बालकको शव पनि समावेश थियो। बेरुजीमा रहेको अल फलिदी शिविरमा रहेको एक निवासमा भएको आक्रमण पछि चार जनाको शव निकालिएको छ। यसमा पनि एक बालक समेत छन्।

मंगलबार मात्र यो दुई शरणार्थी शिविरमा गरी कुल २५ जनाको ज्यान गएको हो। यस अघि इजरायली आक्रमणबाट उत्तरी गाजाको सुयजामा एकै परिवारका ९ जनाको ज्यान गएको थियो।