काठमाडौं – नायक विपिन कार्की र नायिका मिरुना मगरको मुख्य भूमिका रहने फिल्म ‘ऊनको स्विटर’को छायांकन सुरु भएको छ । फिल्मका निर्देशक नवीन चौहानका अनुसार आइतबार पाँचथरमा शुभ मुहूर्त गरिएको हो ।

निर्देशक चौहानका अनुसार फिल्मको गीतबाट छायांकन सुरु गरिएको हो । परीक्षा लिम्बू र एलेक्स पारसले मुहूर्त सट दिएका हुन् । फिल्मको छायांकन ३५ दिनमा सक्ने निर्माण पक्षको लक्ष्य रहेको छ ।

फिल्मको छायांकन पाँचथरका विभिन्न स्थानमा हुने चौहानले बताए । फिल्ममा माओत्से गुरुङ, सुरज तमू, मिलन खत्री, अरुणपुन मगर लगायतको अभिनय रहेने बताइएको छ ।

फिल्ममा निर्देशक चौहनकै लेखन रहेको छ । उनलाई सुरज कटुवालले साथ दिएका छन् । फिल्मको प्रदर्शन मिति तय भएको छैन । शरद ऋतुमै प्रदर्शन हुने सम्भावना रहेको निर्देशक चौहानले बताए ।