काठमाडौं – समुद्री सुरक्षाबारे छलफल गर्न भारतीय नौसेनाको आयोजनामा महासागर नामक अन्तरक्रिया सम्पन्न भएको छ ।

अन्तरक्रिया कार्यक्रममा भारतीय नौसेनाका कमाण्डर एडमिरल दिनेश कुमार त्रिपाठीले हिन्द महासागरमा अवस्थित मुलुकहरु केन्या, बंगलादेश, श्रीलंका, मदागस्कर, मौरिसस, माजाम्बिक, सेसेल्स, तान्जानिया, कोमोरोस, मालदिभ्सका नौसेनाका प्रतिनिधिसँग छलफल गरेका छन् ।

भर्चुअल विधिबाट सम्पन्न अन्तरक्रियामा हिन्द महासागर क्षेत्रमा उत्पन्न नौसैनिक चुनौतीको सामना गर्ने विषयमा छलफल भएको भारतीय समाचार संस्था एएनआईले जनाएको छ । ‘मरिटाइम हेड्स फर एक्टिभ सेक्युरिटी एण्ड ग्रोथ फर अल इन द रिजन ९महासागर०’ को बैठक हरेक दुई वर्षको अन्तरालमा आयोजना हुँदै आएको छ ।

यस अन्तरक्रियामा सहभागी मुलुकका प्रतिनिधिहरुले रक्षा सहकार्यमा जोड दिएको एएनआईले उल्लेख गरेको छ ।