काठमाडौं– युइएफए नेसन्स लिग अन्तर्गत इटालीले फ्रान्सलाई पराजित गरेको छ । गएराती सम्पन्न खेलमा फ्रान्सलाई ३–१ गोल अन्तरले पराजित गर्दै इटाली विजयी भएको हो ।

इटालीको जितमा फेडेरिको डिमार्को, डेभिड फ्राटेसी र गियाकोमो रास्पाडोरीले एक–एक गोल गरेका थिए । फ्रान्सका लागि ब्राडली बार्कोलाले एक गोल गरेका थिए ।

खेलको पहिलो मिनेटमै फ्रान्स बार्कोलाले गोल गर्दै टोलीलाई सुरुवात अग्रता दिलाएका थिए । तर आफ्नो अग्रता जोगाउन नसक्दा फ्रान्स इटालीसँग स्तब्ध बन्नु पर्‍याे ।

खेलको ३०औँ मिनेटमा इटालीका डिमार्कोले खेललाई १–१ गोलको बराबरीमा ल्याएका थिए । त्यसपछि ५० मिनेटमा डेभिड र ७४औँ मिनेटमा गियाकोमोले गोल गर्दै इटालीलाई जित दिलाए ।

अब फ्रान्सले अर्को खेल सेप्टेम्बर १० मा बेल्जियमसँग खेल्नेछ भने इटालीले सेप्टेम्बर १० मै इजरायलसँग खेल्ने छ ।