वासिङ्टन- दोस्रो पटक अमेरिकी राष्ट्रपतिमा विजयी हुन लागेका रिपब्लिकन उम्मेदवार डोनाल्ड ट्रम्पले ‘स्विङ स्टेट’मा पनि पकड बनाउँदै लगेका छन् ।

ट्रम्पले स्विङ स्टेटलाई डेमोक्रेट पार्टीको पकडबाट बाहिर राख्न सफल भएका हुन् । उनी नर्थ क्यारोलाइना र जर्जियापछि पेन्सिलभेनियामा पनि गतिलो जित निकाल्न सफल भएका छन् ।

पेन्सिलभेनियाको जितपछि उनलाई राज्यका सबै १९ इलेक्टोरल कलेज भोट मिलेको छ। यसका साथै उनको इलेक्टोरल कलेज भोटको आँकडाले २६७ छोएको छ । अब उनी बहुमतको २७९ को आँकडाबाट ३ भोटनजिक छन् ।

सीएनएनका अनुसार डोनाल्ड ट्रम्प अमेरिकी राष्ट्रपति चुनाव जित्ने केबल ३ भोट नजिक पुगेका हुन्। यदि उनले ३ भोट ल्याए भने २७० बहुमत आँकडासहित ह्वाइट हाउसको बाटोमा लाग्नेछन् । यसैबीच उनकी प्रतिद्वन्द्वी कमला ह्यारि २२६ इलेक्टरोल भोटमा छिन् ।