काठमाडौँ– जर्मनीमा जारी १७औँ संस्करणको युरोकप फुटबल अन्तर्गतको क्वार्टरफाइनलमा आज इंग्ल्याण्ड र स्वीट्जरल्याण्डबीच प्रतिस्पर्धा हुँदैछ । खेल नेपाली समयअनुसार राति पौने १० बजे सुरु हुनेछ ।
जारी प्रतियोगितामा इंग्ल्याण्ड स्लोभाकियालाई तथा स्वीट्जरल्याण्ड इटालीलाई पराजित गर्दै क्वार्टरफाइनलमा पुगेका हुन् ।
इंग्ल्याण्ड र स्वीट्जरल्याण्डबीच अहिलेसम्म २७ खेल भएका छन् । जसमा इंग्ल्याण्डले १९ तथा स्वीट्जरल्याण्डले ३ खेलमा जित हासिल गरेका छन् । यस्तै ५ खेल बराबरीमा सकिएका छन् ।
आजको विजेता टोली सेमिफाइनलमा प्रवेश गर्नेछ ।
प्रतिक्रिया