मोरङ – पाथिभरा माता मन्दिरमा लाख बत्ती बालेर दिप प्रज्वलन गरिएको छ। मोरङको सुन्दरहरैँचाको वडा नं ८ स्थित चन्द्रनगरमा रहेको पाथीभरा माता मन्दिरमा बार्षिक उत्सवको अवसरमा लाख बत्ती बालेर दिप प्रज्वलन गरिएको हो।

बैशाख २३ गते देखि २५ गतेसम्म संचालन चल्ने बार्षिक उत्सवको कार्यक्रम सोमबार साझ मन्दिरमा लाख बत्ती बालिएको मन्दिर ब्यबस्थापन समितका एक सदश्यले सुन्दरहरैचा अपडेटलाई जानकारी दिए।

यो मन्दिर ताप्लेजुङको शाखाका रूपमा चिनिदै आएको छ । हरेक दिन बिहानदेखि बेलुकासम्ममा भक्तजन पाथीभरा मन्दिरमा दर्शन गर्न आउने गरेका छन् । छोटो र अनुपम यात्राका लागि पाथीभरा धाम पनि उपयुक्त गन्तव्य हो ।

धार्मिक सांस्कृतिक तथा प्राकृतिक र विश्वास, आस्था एवं पवित्रताकी देवी पाथिभरा पवित्र धाम हो । पाथीभरा देवीको मन्दिरमा हिन्दु धर्मावलम्बी मात्रै नभई अन्य धर्ममा आस्था राख्नेहरुका लागि पनि पर्यटकीय गन्तव्य बनिरहेको छ ।